Ebaluazioaren gaiak, komunikabideetan ez ezik, ikastetxeetan zein kalean sortu du zalaparta. Eta ez da harritzekoa. Familiak eta hezkuntzako langileak ere oso kezkatuta gaude seme-alaben, ikasleen heziketa prozesua hartzen ari den norabidearekin. Kezkatuta oso, ez baitugu heziketa prozesu hau hesien salto karrera bat izaterik nahi. Ez baitugu nahi ikas-irakas prozesu hau ebaluazioek sortzen duten etengabeko presioaren baitan eraikitzea.
Ataka honetan ebaluazioaren gaia behar bezala kokatu behar dugula iruditzen zaigu. Gure ustez ebaluazio sistema guztia, gaur egungoa ere, zalantzan jarri beharko dugu Hezkuntza Sistema Propioaren bidean urratsak eman nahi baditugu. Izan ere ebaluatzea ez da kalifikatzea, ebaluatzea ez da akatsak zigortzea, ebaluatzea ez da soilik memoria neurtzea ,ebaluatzea ez da sailkatzea…
Hau guztiari buruz hausnartu eta eztabaidatzeko hitzordua antolatu dugu Nafarroako LAB Irakaskuntzatik.

  @LABirakasknafar 948 38 24 74  Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

www.LABirakaskuntza.infoadm.org